ابدا اتعلم بايثون

المسار الكامل لتعلم بايثون من الصفر

انضم لاكتر من ٣٠٠٠ مبرمج بايثون - اكتر من ١٣ كورس - اكتر من ٢٠٠ فيديو

مقدمه عن بايثون

بايثون واحده من اقوي اللغات اللي موجوده حاليا في مجال العمل ومن اكتر اللغات طلبا علي مواقع الفريلانسج ، ومع ان اللغه مطلوبه جدا وشروحاتها موجوده الان ان في بعض المجالات في اللغه شروحاتها ضعيفه وكورساتها محدوده مش بتوصل للمستوي المطلوب ، التعلم دايما محتلف علي مجال العمل وده اللي بيعطي قوه الطرق الجديده في التعلم اللي بتحاول تركز علي المشاريع الحقيقيه زي ال nano-degree الخاصه ب Udacity او التراكات الكامله اللي علي موقع زي Coursera بحاول في الكورسات الخاصه بيا اني ابني فعلا طريق كامل لكل شخص يوصله بالمشاريع الحقيقه وبحاول اغطي كم كبير منها في الشرح ، وده هعطيلك القدر انك تبني مشاريع حقيقه وتبقي قادر تشتغل بعد الكورسات الكامله ولسه الكورسات الجديده كلها خاصه ب مشاريع حقيقه هتغطي المجالات اللي انا شغال فيها واللي شايفها قويه جدا ومطلوبه وان شاء الله المشاريع الجديده كلها هي مشاريع من مواقع ال freelancing وكل مشروع فيهم هفتحه قدامك ونتعلم ازاي العميل طلب المشروع وايه هوه ال price بتاعه ونتعلم ازاي نبرمجه كامل من الصفر دلوقتي حابب اوضح معاك الطريق اللي المفروض تهتم بيها في كل مجال من المجالات الموجوده علشان توصل انك تبقي قادر تعمل مشاريع حقيقه وتشتغل في شركه اول حاجه هي اساسيات اللغه واللي المفروض انك تفهمها وتتعلمها كويس جدا جدا قبل ما تبدا في اي مجال ، الاساسيات انا شارحها في ٤ كورسات وبعدهم كل التمارين وده انته هتبدا تطبق انته وتفكر وتستخدم كل اللي اتعلمته في ال ٤ كورسات الخاصه ب الاساسيات


الجزء الاول : الاساسيات

الاساسيات انا مقسمها علي ٤ اجزاء كل جزء منهم بيحل مشكله معينه وبينقلك للجزء اللي بعده ، هتبدا في كل جزء وتركز جدا في طريقه الشرح ومطبقش غير اللي انته فاهمه بس ولو في اي حاجه مش مفهومه حاول انك تسمعها تاني وهي هتوضح معاك ان شاء الله


تطبيقات الديسك توب

بعد اما تخلص الاساسيات في اكتر من مجال تبدا تتعلمه ، برمجه تطبيقات الديسك توب واحد من المجالات المشهوره في بايثون واللي هتمكنك من برمجه تطبيقات تسخدمها في حياتك اليوميه وتسهل عليك بعض المهام اللي بتقوم بيها ، في اكتر من كورس موجود ليها علي الموقع ما بين اساسيات ومتقدم ومشاريع حياتيه ومشارع لشركات

برمجه المواقع بدجانجو

برمجه المواقع ببايثون ودجانجو واحد من اكتر المجاالات في بايثون طلبا للشغل في الشركات وعلي موقع العمل الحر بالاضافه لقوه بايثون في المجال ده بيجعله واحد من اكتر المجالات اللي المفروض تتعلمها في بايثون واللي انا بحاول انزلها اكبر عدد ممكن من الشروحات لاهميتها والكورس الخاصه بيه دايما بتتحدث علي الموقع