السلام عليكم , الحمد لله رب العالميين بعد حوالي ٤٠٠ يوم في الميري خلصت جيش ، كانت تجربه كويسه اتعلمت فيها كتيير والحمد لله كنت مستمر في مذاكرتي ومتابعتي مع الناس علي قد م اقدار وسجلت اللي اقدر عليه من فيديوهات جديده وان شاء الله الفتره الجايه هتكون العصر الذهبي ليا في الشروحات ^ـ^

يمكن حاجات كتيير اتغيرت في تفكيري في الفتره اللي فاتت واخدت قرارات كتيير ان شاء الله تكون خطوه لبدايه قويه بشكل جديد للمحتوي العربي والجدير بالذكر ان كل اللي جاي مجاني ^ـ^ ، وزي ما كنت اول عرب كورساته تتخطي الاساسيات في بايثون وموسس اكبر مجتمع عربي لبايثون الحمد لله هكمل علي نفس النهج بعد فتره غياب لا باس بها والفتره الجايه ان شاء الله هتكون نقله في الشروحات

زهقنا كتيير من الاساسيات والتمارين عليها ، محتاجيين حاجه تلمس واقع الشغل شويه وتعلي مستوانا لان اللي موجود مياهلش لشغل وال interview مختلف تماماً عن الشروحات في اسئلة كتيير محتاجه اجابه ليها وده اللي ههتم بيه الفتره الجايه ان شاء الله ، ونقدر نقول ان الشروحات في الفتره الجايه هتتقسم ل ٥ اقسام :

- القسم الاول :

هيهتم ببايثون كلغه برمجه وهيتعمق فيها اكثر من الاساسيات بكتيير ان شاء الله وهنشوف شروحات لمواضيع زي :

  • Generators
  • Docstrings
  • Comprehension
  • Iterators
  • Decorators
  • PEP8
  • Linters
  • Logging
  • Big O
  • Data Structures
  • OOP
  • Automation
  • More Modules


- القسم الثاني هيهتم بدجانجو وهيبقي في مواضيع مهمه زي :

  • Models
  • Class Based Views
  • Forms
  • Templates
  • Validtors
  • Rest API
  • Graph QL
  • Using Ajax
  • Using AWS
  • Deploy
  • Testing
  • Using Celery
  • Charts
  • Admin
  • Translation



القسم الثالث من الشروحات هيبقي خاص بالمشاريع وهنشوف فيه مشاريع عن بايثون ودجانجو وبعض المجالات الاخري الخاصه ببايثون

القسم الرابع من الشروحات هيبقي خاصه ب الاسئله اللي هجمعها من علي الجروب وهنزلها في شروحات

القسم الخامس : هيبقي خاص بمجاالات اخري غيري دجانجو وهيبقي فيه :

  • Odoo
  • Web Scrapping
  • Social Media Mining


الشروحات هتبقي موجوده كلها فيديوهات علي قناتي علي اليوتيوب من هنا الكل يشترك ويستني الفيديوهات ، وهتبقي موجوده برضوا مقالات ان شاء الله علي الموقع ، اخر حاجه هيبقي في مفاجاه قريب ان شاء الله ودي هسيبها لما تنزل ، الجدير بالذكر اني الحمد لله بدات اسجل فعليا في الفيديوهات ولكن مستني المقدمه الجديده الخاصه بالفيديوهات وهبدا ارفع علي طول علي القناه ان شاء الله خلال الاسبوع ده

المقالات هتبقي مقالاين في الاسبوع ان شاء الله او ٣ مقالات وهيبقي في بوست كل يومي الاحد والاربع من كل اسبوع علي الجروب لاي استفسار من الناس عن مشاكل او اي اقتراحات

الجدير بالذكر ان هيبقي في كورسات اون لاين ولكن مدفوعه في اكثر من مجال وكل تفاصيلها هتبقي متاحه عليالموقع من اللينك ده الفتره الجايه ان شاء الله

بالتوفيق لكل الناس ولو في اي استفسار سيبه في كومنت وبالتوفيق ، وحابب انوه ان الشروحات هتاخد وقت علي اما يبقي كل ده محتاح علي القناه ولكن انا حاطط ٢٠٢٠ هي الهدف بتاعي اخلصهم في المده دي ان شاء الله


بالتوفيق

محمود احمد