السلام عليكم , النهاردة هنتكلم عن كيفية اظهار notification علي نظام التشغيل الخاص بيك ب استخدام بايثون وبعض المكتبات البسيطة , اوقات كتييرة جدا هتحتاج تضيف الميزة دي في المشروع الخاص بيك لانها واحدة من اهم مميزات تطبيقات الديسك توب او هتحتاجها و انته بتبرمج script بينفذ بعض المهام ومحتاج تظهر notification لما الكود ينهي تنفيذه

عندي مكتبات كتييره جدا في بايثون بتقدملي الميزه دي والفروق بينهم بسيطه جدا جدا وتقدر تستخدم اي مكتبه فيهم ومن مميزتهم سهوله الاستخدام

1 - win10toast :

دي اشهر مكتبه خاصه ب ال notification في بايثون ومن مميزاتها انها بتظهر بشكل ال notification الخاصه بويندوز 10 لكن طبعا لو انته مصطب ويندوز 10 لكن في اي اصدار للويندوز تاني هتظهر بشكل عادي

كيفيه استخدامها :

1 – هبدأ بتصطيب المكتبه علي الجهاز بتاعي عن طريق ال PIP :

python -m pip install win10toast
	

2 – المكتبه دلوقتي موجوده اتصطبت بنجاح علي اصدار بايثون علي جهازي هعملها import ببساطه خالص

from win10toast import ToastNotifier
	

3 – هنشئ toaster يعني notification جديده :

toaster = ToastNotifier()
	

4 – هظهر ال notification و هخصص ال notification بتاعتي زي العنوان والرساله اللي هتظهر وكده :

toaster.show_toast("Notification!", "Alert!", threaded=True
icon_path=None, duration=3)
	

اول متغير دة عنوان ال notification وثاني متغيير دة الوصف الخاص بال Notification بتاعتي , المتغير الثالث خاص بال threading دة علشان لو اكتر من notification هيظهروا ف نفس الوقت ميحصلش مشكله والمتغيير الرابع الايقونه الخاصه بال notification وال icon دي لازم تكون صوره امتدداها ico يعني تبقي icon والمتغير الاخير ده الوقت اللي ال notification اللي هتظهر فيه ع الشاشه ب الثواني

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

2 – المكتبه الثانيه اسمها plyer :

المكتبه دي بسيطة جدا وفيها نفس مميزات المكتبه الاولي , وعلشان استخدمها الاول هصطبها عن طريق ال pip

python -m pip install plyer
	

2 – دلوقتي المكتبه متصطبه عندي واقدر استخدمها بسهوله هعمل import ليها

from plyer import notification
	

3 – دلوقتي هنشئ notification وهخصصها ( العنوان والتفاصيل وصورة الايقونه اللي هتظهر )

notification.notify(
title='Here is the title',
message='Here is the message',
app_icon=None,# e.g. 'C:\\icon_32x32.ico'
timeout=10,# seconds)
	

اول متغيير ده عنوان ال notification وتاني متغيير دي الرساله اللي هتظهر , بمعني اوضح تفاصيل ال notification بتاعتي والتغيير الثالث هوه المسار الخاص ب الايقونه بتاعتي ولو مش هستخدم ايقونه هكتب None واخر متغير عباره عن الوقت اللي انا عاوز ال notification تظهره بالثواني

بكد يبقي شوفنا اكتر من طريقه بالتوفيق ويارؤيت تشاركني رايك في الكومنتات

#محمود_احمد