السلام عليكم النهاردة ان شاْ الله هنتكلم عن اشهر المؤتمرات اللي تتابعها لو انته شغال بايثون , تعالي الاول نتكلم عن اهميه الموضوع

  • المؤتمرات بتتعمل بشكل مستمر ودة بيجعلها مصدر قوي جدا تعرف التحديثات اللي ظهرت في الفتره الاخيرة
  • الاشخاص اللي بتتكلم في المؤتمرات بتكون ناس قويه جدا جدا في مجالها يكفي ان Guido مخترع بايثون طلع في اكتر من مؤتمر
  • المحتوي بتاعها قوي جدا لان اغلبها يعتبر workshop هتبدا معاك من الصفر وهتتعلم فيها كتييير ودة حصل معايا شخصيا كان عندي مشكله في ال admin الخاصه بدجانجو في جزئيه معيينه وحليتها من session ل Kenneth love كان في مؤتمر وبيتكلم عن ال Django admin , بالاضافه لمؤتمر تاني كان فيه واحد من مبرمجيين دجانجو وكان بيتكلم عن ازاي تعمل design للمشروع بتاعك وازاي تنظم ال App كانت من اقوي ال sessions اللي شوفتها وفرقت معايا جدا بعد كدة
  • بتشوف سيناريوهات حقيقيه لمشاكل حصلت وازاي المبرمجيين حلوا المشاكل دي بافضل الحلول
  • المؤتمرات بتترفع علي اليوتيوب وال slides بتاعتها بتبقثي متاحه مجاني
  • بتتعلم نصائح قويه جدا جدا منها ولو طبقتها هتحسن في طريقه كتابتك في الكود او طريقه برمجتك للمشروع وحصلت معايا برضوا شخصيا في مؤتمر ل PyQt5 وكان المتحدث واحد من مبرمجيين PyQt واتكلم عن حاجات تاخد بالك منها وانته بتبرمج وكانت نصائح قويه جدا جدا

دي النصائح اللي واضحه بس هتفرق معاك جدا وجربها ... المشكله الوحيدة اللي هتقابلك هي الانجليزي ودي بحاول احلها اني اشوف حد يترجمهم واكلم المسؤليين عن المؤتمر وارفعه ع القناه بتاعتي مترجم وهختار المؤتمرات اللي فعلا تفرق معاك لو سمعتها

دي قائمه ب اقوي المؤتمرات حاليا ولينكاتهم علي اليوتيوب وتقدر تجيب فيديوهات اي مؤتمر عن طريق فتح اليوتيوب وكتابه اسم المؤتمر والسنه زي كدة pycon 2018

  • PyTennessee

  • PyCon

  • EuroSciPy

  • DjangoCon US

  • SciPy 2020

  • EuroPython

  • PyData

  • North Bay Python


ابحث عنهم علي اليوتيوب وحاول انك تتابعهم

بالتوفيق

#محمود_احمد